Pour revenir au sommaire du capitol, cliquer ici

LO MACHACUU DE SEMISENS

Pèire BEDAT

Que i a, a Sent Vincenç de Tiròssa, ua rota aperada « Camin deu Machacuu ». E sabetz perqué ? Que vam har un viatge de mei d'un sègle a l'endarrèr entà ne trobar l'explicacion. En 1854, la linha de camin de hèr Bordèu-Dacs-Baiona es estada inaugurada e la gara de Semisens a vist lo jorn. Mes las autas comunas èran deishadas de costat, estremadas, e qu'a n volut estar arreligadas ad aquera linha importanta. Dens aquera dusau partida deu sègle XIX^au qu'an donc construsit linhas segondàrias. Atau, ua linha Tiròssa-Soston estó metuda en circulacion lo 19 de junh de 1891 ; aqueth jorn, lo viatge éra a gratis e lo trin atenhó ua vitèssa de punta de 30 quilomètres per òra en anant e 45 quilomètres per òra en tornant ! Aquera linha éra d'ua longor de 11 quilomètres, 774 mètres e 21 centimètres. Ne pòden pas estar mei precís ! Tres garas èran bastidas, ua a Tòssa, a 4.1qm de Semisens, ua au quartièr d'Ardí, a 4.1qm de Tòssa e ua gara-terminus a Soston, 3.6qm mei luenh. Que i avè dus anar e tornar per jorn e lo viatge durava 42 minutas. Los oraris qu'èran respectats dens lo sens Soston-Tiròssa a causa de las correspondéncias tà anar de cap a Dacs o Baiona. Mes, dens lo sens deu retorn, los estancs a las garas que's perlongavan. Emplegats e viatjadors prenèn a còps lo temps d'anar béver ua tassa dens las aubergas vesias.

Dens aqueth trin lo confòrt n'èra pas deus mei bons dab los siètis en bòi e qu'es atau qu'estó aperat « machacuu », com tots los autes trins de las Vias Herradas de las Lanas. Ne cau pas har un dessenh entà ne compréner la significacion.

En 1904, la linha estó perlongada dempuish Soston dinc a Lon, en passant per la halta deu Baionés, Bocau-Vielh, Massanjas e Moliets. Lo servici deus viatjadors s'arresté en 1949, lo de mercaderias (còlis, bòi, lèuge) lo 30 de junh de 1969.

Dus ans abans la soa retirada, aqueth trin a rendut un darrèr servici important a causa de la purmèra mareja negra, provocada peu naufragi deu « Torrey-Canyon » sus las còstas bretonas. Milèrs de tonas de bren son partidas d'ua segaria de Moliets cap a Bretanha, en passant donc per Sostons e Semisens dab convòis jornalèrs de 30 a 40 vagons.

Adara la linha qu'es clavada. La debuta d'aquera via de camin de hèr, qui passava darrèr las arenas e traversava la RN 10, es adara bondroada. Que s'apèra « Avenue de Tourren » puish, après un virolet, « Chemin du Mattecu ». Que s'arresta juste après lo Centre medicau, vadent ua via shens sortida. La soa dusau partida, de Soston dinc a Lon, es estada transformada en pista ciclabla. Que podem arregretar que la partida Tiròssa-Soston n'agi pas coneishut un sòrt identic.

Aquera linha, qui n'èra pas ua LGV, a totun rendut hòrt de servicis en un temps on las autos èran raras e on lo monde n'èran pas pressats com uei. Atau, un jorn de la purmèra decennia deu sègle Xx^au, lo gran poèta e escrivan gascon Emmanuel DELBOUSQUET (1874 – 1909, mort, ailàs, hòrt joen!) es anat visitar lo son amic e aute poèta, l'abat Victor DOUSSY lavetz vicari a Lon... E, entà anar de Sòs, a las termièras de l'Olt-e-Garona dinc a Lon, que calè préner, tà acabar lo viatge, aqueth trin de Tiròssa a Lon. Qu'a racontat aqueth viatge en francés e jo qu'èi arrevirat en gascon lo son passatge a Tòssa :

Tosse ! La gare précède un bourg bien bâti qui voudrait être une petite ville. Des balles de liège encombrent les quais. Hésitant, le train, après un choc de wagons de l'avant à l'arrière, s'arrête enfin.

C'est la première escale qui se prolonge délicieusement par la complicité des employés et des voyageurs. Les minutes réglementaires s'écoulent, et je les entends causer encore. Et ce dialecte si dur paraît moins rauque dans cette région marensine où l'on accentue les syllabes muettes comme pour dominer le bruit de l'Océan.

On repart, sans hâte. Voici l'étang Blanc, l'étang d'Hardy. Il se détache entre les milliers de pins très droits : on dirait d'innombrables pans d'azur encadrés par des fûts parallèles et formant une toile de fond plaquée aux montants d'une scène immense. Plus loin, dans les sous-bois obscurs, des chênes-lièges me font signe. Leurs troncs difformes, rouge violet, rouge cuivreux, rouge pâle suivant l'époque plus ou moins lointaine de leur décortication, supportent avec grâce leur dôme, métallique et souple à la fois, d'un feuillage orfévré.

Une halte encore, des terrains de culture, des vignes de sable encloses de claires surèdes, je reconnais bien mes paysages de l'Albret, ceux de la lisière orientale de la Lande. Ces résiniers que je distingue au revers de la dune sont bien de la même race que ceux de mon pays.

Emmanuel DELBOUSQUET (1874 – 1909)

Tòsse ! La gara qu'es juste avant un borg plan bastit qui voleré estar ua vilòta. Hèishas de lèuge encombran los cais. Esitant, après un tumat de vagons deu davant a l'endarrèr, lo trin s'arresta enfin.

Qu'es lo purmèr estanc qui's perlonga deliciosament mercès a la complicitat deus emplegats e deus viatjadors. Las minutas reglamentarias s'escorren e que'us entèni enqüèra pleitejar. E aqueth dialècte tan dur que sembla mensh rascut dens aqueth

Pour revenir au sommaire du capitol, cliquer ici