Academia Gascona de Baiona-Ador
AMOURINES
(Dans la graphie de l’auteur)
Andréa LAMOURET
Isidore Salles
Dou nos printems, ores urouses,
Oun soun les bères amourouses !
Lou qui dits que n’aymen qu’un cop,
Au mey abis que desresoune :
Ne prube arrey qui prube trop
E qu’at sey melhe que persoune !
A doutze ans, remountan lou cours,
Lou mey co, jalous de caresses,
Qu’alé juste autan de mestresses
Com les semanes an de jours !
Dou nos printems, ores urouses,
Oun soun les bères amourouses !
Le Marceline dou Cahurt
Qu’abé le talhe com le brespe !
Jou de le gleyse, enfant de Curt ;
Que le bedi, matin é bespe,
Lou dimenje, au ras dou curé,
Tout oucupat de le mutine,
Qu’abi l’ert de canta matine,
Mé que l’espiabi pe darré.
Dou nos printèms ores urouses,
Oun soun les bères amourouses !
Le groune, le brune Mariou
Qu’ere tan bone cousinère !
Qu’abè bint ans de mé que you,
Mé aus pastis nade com ère !
Quem’ semblabe un fort boun partit
É que l’auri bien espousade…
Le may que me la refusade
En disen qu’éri trop petit !
Dou nos printems, ores urouses,
Oun soun les bères amourouses !
E Ninoun ! que l’aymabi tan !
Ere, tabey fort que m’aymabe !
Souben, en me balhan le man,
Toute mude que damourabe !
Un jour en sarlan chets apric,
Que gahe fiebre a le boudigue
E ques morte le praube amigue,
En me disen : Adiu, amic !
Dou nos printems, ores urouses,
Oun soun les bères amourouses !
A Guillemin, qu’ere, dus sos,
Saubatjes com un pa de piauques !
Ensembles qu’anabem au bos,
Cerca nids en goajtan les auques.
Qu’es balhabem a tout prepaus,
Mé de couhats que de poutines…
Mé hortes que you, les matines,
Qu’abi lou nas cerclat de blaus.
Dou nos printems, ores urouses,
Oun soun les bères amourouses !
Le Caterine dou Castet
Com un demoun qu’ère jelouse :
Sus lous cassous, dap un coutet,
Dus cosen un quem’ hasé couse ;
Dap un artiste, un bet matin,
Ente Bayoune qu’ère anade
E jamé ne s’en es tournade…
Sus lous cassous l’amou que tin !
Dou nos printems, ores urouses,
Oun soun les bères amourouses !
En lou mey co ta plan pourbut
Qu’ère u’hilhe de haut paratje ;
Mé ere n’a jamé sabut
Arrey de l’amou dou maynatje.
A l’adje madu arribat,
Tout com d’auts cops, au peïs d’orthe
Bère dame lou pous qu’em’bat,
En passan deban boste porte !
Pèir RECTORAN ( 1880-1952 )
Premier secrétaire perpétuel de
l'Académie Gasconne de 1926
Carlito OYARZUN